|
| 八月一日 晴
唔知大家有無啲時候會對自己起質疑呢...
最近忽然間做咗以下尼個動作
"從呢該回想自己既人生做過咩"
但....細心思想過後,係自己既記憶差....定係真係無咩可以值得回憶既事....
學業 = 失敗 "小學到中學,根本都唔知讀書黎做咩...唯一可幸既係近呢兩年讀到個FD"
事業 = 無咩好講 "學到既可能係識得細心觀察人既心...."
愛情 = 不知所謂 "您"....唔想講咩啦,得一個問題"點解會簡我?" 而您.....某程度上真係唔知多唔多謝您好,如果唔係有咁既事情發展 , 我真係唔太了解自己 , 同妳發生過既野,如果可以簡過我都會再做一次,就算係知道佢鍾意您在先.....不過,事情都過去咗啦,而決定亦都係由您作出既,我都會去接受,或者有啲野,真係唔知真相會好啲,活在開心永遠都係最好既,不過當時既我真係太過唔成熟啦...... 而同您既開心好自然地係有期限既,開心過後,就係去面對自己既不足,缺點.....到最後成為遺憾. 當您成為過去式既時間裡面,我開始去睇清楚自己既人生,性格,要求,不足,不滿.....呢啲野係以前既我係唔會去諗既,或者係我對您太有信心la.......不過呢啲野以經唔重要啦.而我想講多謝既原因亦都係因為您帶過俾我既開心,同埋我對自己既改變. 到最後,我唯一可以講既係, 當"您"出現之後既我會係一個已經係改變過既人.
友情,家人 = 好?唔好? "唔知點講好,但係我想係度同大家講. 有時候可唔可以唔好當我重係細路咁去保護呀~~ 其實我所需要既唔係保護呀. 人總有要去面對長大既一刻,我亦都好清楚自己係面對緊,我想講係,我需要既係大家對我既信心呀. 有時候我點解收埋自己係因為怕你地既唔認同,直至到覺得講出黎你地都唔明架啦......不過我想講,我所講得出黎既.真係諗過先做架.......我真係好想講聲
"我希望你地明白"囉~~~~ (真係忍唔住笑咗囉,應該好鬼認真架嘛) 重點啲講友情 : 打咗咁耐,越打越俾晒落去,真係有個問題係要問既. "點解要讓呀?!" 我可以講,我情願當面咁輸,都總好過俾人讓呀~~ 其實呢個問題我好在意...真既,亦都係過去回憶裡面最大既問題. 第二樣既係,我其實好想同你地講,好多時你地都唔明我做咩諗咩, 之後再............將我誤會到去另外一樣野度. 唉,唉,唉...大佬.....好hurt 架 . 之後我唔解釋唔係因為我認同呀,而係因為我唔鍾意爭咬既感覺咋......
好似越打越多咁...其實都好既,平時總係俾你地覺得唔認真,如果要我咁認真去講呢咋野真係幾難
所以我都係選擇咗打出黎.我都諗咗好耐係咪真係要打出黎,但係我而家真係覺得舒服咗既~
而我亦都諗過我打完出黎之後你地會有人唔鍾意,我都有心理準備.不過有人亦都同我講過"你做反自己啦.咁樣會舒服啲既"其實妳真係講得幾岩,我其實係怕會俾人否認 , 疏遠 , 先會對住唔同人有唔同性格.再到自己係點都唔太記得. 好似啲問題咁, 唔去問, 之後一直收埋落去自己度.而家諗反真係極度辛苦.... 到妳俾到呢個問題我之後,我真係係呢兩個星期度諗.自己其實係咁咁咁咁,再咁咁咁咁既.唔.....再到咗而家. 我係可以肯定呢樣野, 我係以上打出黎既人.呢個改變帶出黎既野我唔知會點,就算係好同埋唔好既我都係會去面對.只因為我在乎大家先巠要講清楚.
將來 = ??? "近掛俾人有一個問題考驗度, 有無諗過自己過既生活充唔充實.有無白白咁俾時間流過" 嘻....都幾難答,其實自己都係一個想做就去做既人.好少會plan 一啲好耐之後既事情.而難就難在呢度啦.以前既生活有時放工之後都幾hea架. 無咩諗過有啲咩可以去做或者係想做既.其實咁到底係算充實定唔充實呢??? 哈哈哈~~唔答~ 不過可以講既係,我以後會花多啲時間去多啲以前無諗過既地方.
又或者可以咁講, "想去熟識呢個世界,其實有好多方法 , 唔.........其中一個一定係旅行. 快啲成行啦~~人生唔係好多時間架咋!!" 第二, 回想起以前,唔開心既日子總係俾開心既多.係呢度我想同自己講"你真係好鬼無用呀~咁樣去浪費自己既時間".所以呢....之後既日子希望各位可以明白(又講咗tim...哈~)我會做啲自己開心既野為先. 唔....我真係自己之後既人生係咁過.無悔無憾.
打到呢到都應該講到我想講既野啦...而家既我真係知道自己係點既人
而大家覺得係岩定係錯既.可以由大家去諗
我只會諗呢樣野"大家既然係得朋友,就希望大家明白我 " | | |
| 七月八日 (雨天)
05/07
下午聽到消息...
到晚上去到醫院看到妳既時候....
以為自己忍得住既淚水,都係流咗出黎....
看到妳辛苦既樣,身邊既儀器....
到最後同妳講既一句說話....
06/07
早上食緊早餐既時候...
看到阿嬋講既訊息...
再聽到爸爸同叔叔既電話內容....
心情起伏不定....妳可以唔再辛苦咁同病情鬥住咁生活
但我唔可以再見到妳lu.....
以前我同妳既回憶只係妳帶大我
係個膠筒度喂我食野
再有個外國人同我影果張相,過幾年後攞番黎俾我地
諗返起都覺得好開心
晚上成家人食飯既時候
聽返以前屋企既生活
再聽到妳果種堅強,樂觀既人生
我果下覺得妳好犀利......
聽到後覺得呢個人生可以為旁樣....
唔.........我會用正面既態度去面對之後既人生架啦....
妳唔洗再膽心阿爺,我會好好咁照顧佢~
最後....希望妳喺另外既一個世界到開開心心咁生活落去~
阿(女麻) 妳永遠都活係我心裡面~~~ | | |
| 六月二十三日 晴天(熱,熱,熱)
世事豈能盡如人意 , 但求無愧於心.....
有時候做人總要去面對抉擇既時候,
但係有得必有失 , 最緊要既係...自己覺得係正確既就足夠
呢句說話喺您度睇返黎 , 希望您都可以明白
我覺得您總會有您自己既方法去面對您既問題....
不過有時候...都希望知道您既情況既
雖然有時候係會唔認同....什至否定您既諗法
不過正如您所講 "BEST FRIENDS" 呢五個一定無得變....
無論情況去到點...都會support 您既~
ps : 期待兩年後既荷蘭 | | |
| 六月十五日 晴天~
最近有個人出咗一條問題問我...
佢問完之後..我諗咗一陣就答佢
不過反而俾佢問多一句 "你覺得真係咁? "
我果吓唔知點答佢, 可能....其實果個答案都唔係我真係 "要" 答果個
之後佢就話...."你唔需要咁快答既...慢慢啦"
就係從呢該開始, 我真係答唔出又或者諗唔到佢問果個問題
到底.....係咪每個問題都重會有答案
定係有啲答案唔係人人都答得出呢.........
 假如"您"也在多好.....只好等待到星期三啦
ps : 點解要一定留到下星期....因為想影多次囉 | | |
|
